Esta fin de semana, Tequexetéldere estivemos de viaxe por terras rioxanas coas nosas escolas participando no “Festival de Folklore Infantil Ciudad de Logroño“, organizado polo Grupo de Danzas de Logroño a quenes dende aquí­ queremos dar os máis sinceiros parabéns por unha perfecta organización e agarimosa hospitalidade.

As nenas e nenos das nosas escolas puideron compartir escenario e experiencias con outros nenos da Rioxa e Murcia, así­ como coñecer a súa cultura e tradicións.

Para rematar un estupendo ano de folclore o vindeiro 17 de xuño ás 18:00 no Teatro Principal da Estrada faremos un festival onde as nosas escolas serán as protagonistas.

Todas as escolas amosarán o aprendido durante este curso, baile, gaita, pandeireta, percusión, acordeón, unha tarde de música e baile tradicional ao que vos convidamos a vir.

E moi pronto comezamos a reserva de praza para o vindeiro curso, estate atento!!! 

Entrada de balde, con retirada de invitación.

Este vindeiro sábado convidámoste a acompañarnos nunha edición máis do Festival folclórico do Salmón, organizado pola agrupación de música e baile tradicional Tequexetéldere.

Será no Teatro Principal a iso das 18.30h. Alí­, ademáis da agrupación estradense, actuará a agrupación folklórica Estirpe de Aragonia (Huesca) e algunha representación das escolas de Tequexetéldere.

Ven e disfruta da maxia da jota e da muiñeira!

Non tes escusa! A entrada é libre ata completar aforo.

© 2018 Tequexeteldere

Free Joomla! template by L.THEME