Facerse Amigo/a de Tequexetéldere supón colaborar e axudar na financiación dos fins e das actividades que leva a cabo a nosa agrupación. E supón, asimesmo, establecermos unha cooperación que faga posible un mellor espallamento e mantemento da nosa cultura folclórica.
Para facerte amigo/a de Tequexetéldere só tes que seguir os pasos indicados no seguinte --> FORMULARIO.
Se tes algunha dúbida podes enviarnos un correo electrónico a este enderezo: Este enderezo de correo está a ser protexido dos robots de correo lixo. Precisa activar o JavaScript para velo.
COLABORA
Faite Amiga ou Amigo de Tequexetéldere e facendo unha doazón dun mínimo de 30 euros, agasallámoste cun regaliño de agradecemento pola túa colaboración.
Razóns para colaborar
Tequexetéldere é unha agrupación que naceu xa no ano 1990 baixo o respaldo do Concello da Estrada e da Fundación Cultural da Estrada, formando parte desta última entidade. A nosa actividade desenrólase sen ánimo de lucro.
Para conseguir manter o volume de actividade anual da nosa agrupación (escolas, fondo de vestimenta/instrumentos, e outras actividades/conceptos) Tequexetéldere quere reafirmarse en acadar unha maior independencia económica baseada no apoio das xentes comprometidas ca nosa agrupación, co noso folclore e a nosa cultura.
Por que colaborar con Tequexetéldere?
- Para asegurar o seu presente e, sobre todo, o seu futuro.
- Para seguir avanzando cos alumn@s das nosas escolas, mantendo a estructura do Grupo Oficial e asegurando o seu futuro. Actualmente superamos o centenar de matrículas.
- Para mellorar e ampliar a súa programación cultural.
- Para promover, facilitar e investigar a nosa tradición etnográfica.
- Porque Tequexetéldere non só coida o legado do noso folclore e tradicións, xa que tamén somos un referente do sector na nosa comunidade e fora de Galicia.
- Porque hai que coidar as cousas que nos importan.
Actividades principais de Tequexetéldere
- Mantemento das nosas escolas: baile, percusión, gaita, acordeón, pandeireta...
- Mantemento e recuperación de vestimenta tradicional galega.
- Organización do Festival de Folclore da Festa do Salmón.
- Diversidade de espectáculos como musicais e con bandas de música/orquestas sinfónicas.
- Actuacións por España e fora de España respresentando e dignificando o noso folclore.
- Actuacións pola xeografía galega.
Tratamento fiscal das doazóns
As cantidades doadas ou satisfeitas a unha entidade como é a nosa, a cal está prevista na Lei 49/2002, que se destinen á realización e desenvolvemento de actividades e programas prioritarios de mecenado, terán dereito a unha dedución de:
Base da dedución, importe ata Porcentaxe da dedución
Até 150 euros 80%
Resto base de dedución 35%
O 35% no caso de persoas xurídicas.
Ademais, se nos dous períodos impositivos inmediatos anteriores realizáronse donativos, doazóns ou achegas con dereito a dedución a favor dunha mesma entidade por importe igual ou superior, en cada un deles, ao do exercicio anterior, a porcentaxe de dedución aplicable á base da dedución a favor desa mesma entidade que exceda de 150 euros será do 40 por cento.
Límite: A base da dedución destes donativos, non poderá exceder do 15 por 100 da base liquidable.
Cumprimentación: Deberá reflectir o importe das cantidades doadas na casa "G" do Anexo A.1 da declaración do seu IRPF.
Exemplo práctico xenérico:
Se fas unha doazón de: 100,00€
Podes deducir no IRPF: 80,00€
Polo tanto só che custa facerte AMIG@ DE TEQUEXETÉLDERE realmente... : 20,00€
Para ter dereito a estas deducións TEQUEXETÉLDERE/FUNDACIÓN CULTURAL DA ESTRADA acreditará a efectividade da doazón mediante certificación que che faremos chegar.
Máis información na AEAT:
GRACIÑAS :-)
NON ESPERES MÁIS, para facerte amigo/a de Tequexetéldere só tes que seguir os pasos indicados neste FORMULARIO.
Tras recibir os teus datos e verificar a colaboración realizada, poñerémonos en contacto contigo para agradecerche a túa aportación e facilitarche o certificado anteriormente comentado.